Redmi 2025-yil liniyasini kengaytirib, yangilangan Redmi Book 14 va 16 noutbuklarini taqdim etdi. Yangi modellar nafis alyuminiy korpus, so'nggi avlod Intel protsessorlari va Smart Battery AI texnologiyasi tufayli lol qoldiruvchi avtonom ishlash vaqtiga ega.
14 dyuymli model 2,8K (2880x1800) o'lchamli va 120 Gts yangilanish tezligiga ega ekran bilan jihozlangan. Displey 100% sRGB rang maydonini qamrab oladi va TÜV Rheinland sertifikatiga ega bo'lib, ko'zni himoya qilishni ta'minlaydi.
16 dyuymli katta model 2,5K (2560x1600) o'lchamli ekranga va xuddi shunday matritsa xususiyatlariga ega. Ikkala versiya ham Intel Core 5 220H protsessorida ishlaydi va 32 GB LPDDR5X tezkor xotira hamda 1 TB SSD-disk bilan jihozlanishi mumkin.
Qurilmalarning avtonom ishlash vaqti alohida e'tiborga loyiq. 65 Vts batareyali Redmi Book 14 13,8 soatgacha, 72 Vts batareyali 16 dyuymli versiya esa 19 soatgacha ishlaydi. 100 Vt quvvatli GaN zaryadlash qurilmasi batareyani atigi 32 daqiqada 50% gacha zaryadlaydi.
Noutbuklar USB Type-C 3.2 Gen 2 va HDMI 2.1 kabi zamonaviy portlar, sifatli 1080p veb-kamera va Dolby Atmos qo'llab-quvvatlashga ega. HyperOS Connect texnologiyasi ekotizimning boshqa qurilmalari bilan qulay integratsiyani ta'minlaydi.
Redmi Book 14 (2025) narxlari 16+512 GB versiyasi uchun 630$ dan boshlanib, maksimal konfiguratsiya uchun 712$ gacha boradi. Redmi Book 16 (2025) konfiguratsiyasiga qarab 675$ dan 732$ gacha narxlarda mavjud.